Guguritaan
teh kagolong kana puisi, nyaeta wangun sastra anu kauger ku patokan-patokan.
Conto puisi sejen nyaeta sisindiran, jangjawokan, kakawihan, pupujian, jeung
sajaba ti eta.
Ceuk Ajip Rosidi
guguritaan teh pangaruh ti Mataram, Jawa. Populerna jaman samemeh perang.
Harita mah loba pisan karangan atawa buku guguritaan anu terbit. Ku
populer-populerna, nulis surat oge jaman harita mah loba nu disusun make
guguritaan. Tapi sabada aya sajak anu sok disebut puisi modern, kabiasaan ngarang
guguritaan teh atawa anu sok disebut ngadangding mimiti ngurangan.
Parandene kitu, sok aya
keneh ayeuna anu ngadangding, boh keur muat keuneun dina koran atawa majalah,
boh keur buku keuneun. Upamana aya buku Jamparing
Hariring, kumpulan guguritaan Dedy Windyagiri nu diterbitkeun taun 1991.
Aya deui buku guguritaan Munggah Haji
karangan Yus Rusyana nu terbit tauh 1995. Dyah Padmini nulis buku Jaladri Tingtrim, nu terbit taun 2000.
Guguritaan teh puisi nu
di anggit make patokan pupuh. Ari pupuh jumlahna aya 17, nu populer diantarana
bae kinanti, asmarandana, sinom, dangdanggula, pangkur, mijil, jeung
wirangrong. Eta nu 17 teh boga watek jeung patokan sewang-sewangan.
Lian ti guguritaan,
karangan anu disusun make patokan pupuh teh aya deui, nyaeta wawacan. Bedana,
guguritaan mah siga sajak, pondok bae jeung biasana ditulis dina hiji atawa dua
pupuh. Ari wawacan mah panjang jeung ngalalakon siga novel. Pupuh nu
digunakeunana dina wawacan mah rea deuih, luyu jeung suasana carita. Malah mah
jumlah padana oge aya nu ngaratus atawa nepi ka mangrebu-rebu siga wawacan Purnama Alam karangan R. Suriadiredja.
Tadi tea, guguritaan
mah siga sajak, pondok jeung umumna dianggit ku hiji pupuh bae. Eusina biasana
ngabrehkeun pikiran, harepan, rasa atawa angen-angen.
Tidak ada komentar:
Posting Komentar